کے پی میں پی ٹی آئی رہنماؤں کے پیپلزپارٹی سے رابطے

پشاور: پاکستان تحریک انصاف (پی ٹی آئی) خیبرپختونخوا (کے پی) کے رہنماؤں کا پیپلزپارٹی سے رابطوں کا انکشاف ہوا ہے۔

پیپلزپارٹی کے صوبائی ترجمان امجد آفریدی نے دعویٰ کیا ہےکہ پی ٹی آئی کے سابق اراکین اسمبلی، ناظمین اور بلدیاتی ممبران نے رابطےکیے ہیں۔

امجدآفریدی کے مطابق پی ٹی آئی رہنماؤں کی پارٹی میں شمولیت کی خواہش سے قیادت کو آگاہ کردیا ہے۔

امجدآفریدی کا کہنا ہےکہ بیشتر پی ٹی آئی رہنما جلاؤگھیراؤ میں ملوث ہیں، قیادت سوچ کر فیصلہ کرےگی، ملک میں جلاؤ گھیراؤ کرنے والوں کے لیے پیپلزپارٹی میں جگہ نہیں ہے۔

بلین ٹری سونامی منصوبے کے سربراہ ملک امین اسلم کا بھی تحریک انصاف چھوڑ نے کا اعلان

جہاں جہاں جلوس نکالے گئے ان کے ٹارگٹ فوجی تنصیبات تھیں، یہ ایجنڈا دشمنوں کا خواب پورا کررہا ہے: ملک امین کی پریس کانفرنس

عامر محمودکیانی نے پی ٹی آئی اور سیاست چھوڑنے کا اعلان کردیا

9 مئی کا واقعہ بہت تکلیف دہ تھا، جس نہج پر صورتحال آچکی ہے اس سیاست میں شامل نہیں رہ سکتا، انسانی حقوق سے متعلق لوگوں کی جو خدمت کرسکا کروں گا: عامر کیانی