21 مئی ، 2023 
بھارتی بورڈ کی ہائبرڈ ماڈل پر ممکنہ شرط: پی سی بی نے پہلے ہی لائحہ عمل تیار کرلیا
21 مئی ، 2023
پاکستان کرکٹ بورڈ (پی سی بی) نے بھارتی کرکٹ بورڈ کی ہائبرڈ ماڈل پر ممکنہ شرط کا لائحہ عمل پہلے سے تیار کرلیا۔
پی سی بی ذرائع کے مطابق بی سی سی آئی ہائبرڈ ماڈل کی رضامندی ورلڈکپ سے مشروط کر ہی نہیں سکتا، بھارت ایشین کرکٹ کونسل اور انٹرنیشنل کرکٹ کونسل کے ایونٹس کو ایک دوسرے سے مشروط نہیں کرسکتا۔
ذرائع کا کہنا ہے کہ بھارتی کرکٹ بورڈ کا ایشیاکپ کے ہائبرڈ ماڈل سے کوئی تعلق نہیں، ہائبرڈ ماڈل پر رضامندی کے لیے ورلڈکپ کے میچز بھارت میں کھیلنے کی شرط نہیں رکھی جاسکتی، پاکستان کرکٹ ٹیم بھارت تب ہی جائےگی جب حکومتِ پاکستان اجازت دےگی۔
ذرائع کے مطابق بھارت کی جانب سے ورلڈکپ کی شرط رکھنے پر پی سی بی چیمپئنز ٹرافی 2025 کی شرط رکھےگا، ورلڈکپ پر بھارت کی جانب سے تحریری طور پر ڈیل کرنے کے جواب میں پی سی بی چیمپئن ٹرافی پاکستان میں آکر کھیلنے کی تصدیق مانگےگا۔
بھارت کی ایشیاکپ کے ذریعے ورلڈکپ کے لیے کی گئی بلیک میلنگ پی سی بی کو کسی صورت قبول نہیں،بی سی سی آئی نے ورلڈکپ کے وینیوز کا جائزہ لینے کے لیے 27 مئی کو اجلاس بلایا ہے۔
تاہم پاکستان کو کون کون سے وینیوز پر ورلڈکپ کھلانا ہے، اس کا حتمی فیصلہ 27مئی کو ہونے کا امکان ہے
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
