22 مئی ، 2023 
پاکستان
لاہور کی انسداد دہشت گردی کی عدالت نے ڈاکٹر یاسمین راشد کو دوبارہ 25 مئی کو پیش کرنے کا حکم دیا— فوٹو:اسکرین گریب
اداروں کیخلاف تقریر کا کیس: یاسمین راشد 3 روزہ جسمانی ریمانڈ پر پولیس کے حوالے
22 مئی ، 2023
انسداد دہشت گردی عدالت لاہور نے پاکستان تحریک انصاف کی رہنما ڈاکٹر یاسمین راشد کو 3 روزہ جسمانی ریمانڈ پر پولیس کے حوالے کردیا۔
لاہور کی انسداد دہشت گردی عدالت نے سڑک بند کرکے اداروں کے خلاف تقریر کرنے کے کیس میں یاسمین راشد کےجمسانی ریمانڈ سے متعلق محفوظ فیصلہ سنادیا۔
عدالت نے ڈاکٹر یاسمین راشد کو 3 روزہ جسمانی ریمانڈ پر پولیس کے حوالے کردیا۔
عدالت نے ڈاکٹر یاسمین راشد کو دوبارہ 25 مئی کو پیش کرنے کا حکم دیا۔
