31 مئی ، 2023 
بلاول اردن کے شاہی خاندان کی دعوت پر ولی عہد کی شادی میں شرکت کریں گے
31 مئی ، 2023
وزیر خارجہ بلاول بھٹو زرداری اردن کے شاہی خاندان کی دعوت پر اردن کے ولی عہد شہزادہ حسین بن عبداللہ دوئم کی شادی میں شرکت کریں گے۔
ترجمان دفترخارجہ کے مطابق وزیرخارجہ بلاول بھٹو زرداری اردن کا دورہ کریں گے، وہ شاہی خاندان کی دعوت پر شاہی شادی میں شرکت کریں گے۔
ترجمان دفتر خارجہ کے مطابق اردن سے وزیرخارجہ 5 سے 7 جون تک عراق کا دورہ کریں گے جہاں وہ عراقی قیادت اور اپنے ہم منصب سے ملاقات کریں گے۔
ترجمان کا کہنا ہے کہ دورے کے دوران اہم معاہدوں پر دستخط بھی کیے جائیں گے جبکہ وزیرخارجہ عراق کا دورہ نائب وزیراعظم و وزیر خارجہ ڈاکٹر فواد کی دعوت پر کررہے ہیں۔
خیال رہے کہ اردنی ولی عہد شہزادہ حسین اور ان کی منگیتر رجوہ السیف کی شادی یکم جون کو شاہی محل میں ہوگی۔
شادی کی تقریبات کئی روز سے جاری ہیں۔
مزید خبریں :
خالد مقبول صدیقی سے اختلافات، مصطفیٰ کمال کا مؤقف سامنے آگیا
26 جنوری ، 2025
