05 جون ، 2023 
پاکستان
فوٹو: فائل
لاہور: سوئمنگ پول میں نہاتے ہوئے 2 نوجوان کرنٹ لگنے سے جاں بحق
05 جون ، 2023
لاہور کے علاقےگجر پورہ میں دو نوجوان سوئمنگ پول میں نہاتے ہوئے کرنٹ لگنے سے جاں بحق ہو گئے۔
پولیس کے مطابق جاں بحق ہونے والوں میں 16سالہ جاوید اور 24 سالہ ذیشان شامل ہیں۔
دونوں نوجوان 4 بجے سوئمنگ پول میں نہانے آئے اور ساڑھے 4 بجے ان کی لاشیں پانی میں تیرتی ہوئی نظر آئیں تو لوگوں نے پولیس کو اطلاع دی، ابتدائی تفتیش کے مطابق دونوں کی موت کرنٹ لگنے سے ہوئی۔
نگران وزیراعلیٰ محسن نقوی کی ہدایت پر کمشنرمحمد علی رندھاوا اور ڈپٹی کمشنر رافعہ حیدر نے جائے حادثہ کا دورہ کیا، پولیس نے متوفی ذیشان کے بھائی کی مدعیت میں مقدمہ بھی درج کرلیا۔
