14 جون ، 2023 
ملیر میں گھر کی چھت پر قید دو بچیاں بازیاب، سوتیلی ماں گرفتار
14 جون ، 2023
کراچی کے علاقے ملیر میں پولیس نے چھاپہ مار کر گھر کی چھت پر قید دو بچیوں کو بازیاب کرالیا جبکہ سوتیلی ماں کو پولیس نے گرفتار کرلیا۔
ملیرآسو گوٹھ شعبان ٹاؤن میں پولیس نے علاقہ مکینوں کی شکایت پر گھر پر چھاپا مارا اور چھت پر قید دو بچیوں کو بازیاب کرالیا، بچیوں کی شناخت 11سالہ کائنات اور 9 سالہ بسمہ کے ناموں سے ہوئی ہے۔
پولیس کی ابتدائی تفتیش کے مطابق متاثرہ بچیوں کے والدین کی چند سال قبل طلاق ہوگئی تھی جس کے بعد والد نے دوسری شادی کرلی۔
علاقہ مکینوں کا بیان میں کہنا ہے کہ دونوں بچیوں کو سوتیلی ماں اور سگا باپ دونوں ہی تشدد کا نشانہ بناتے تھے، چھاپے کے وقت بچیوں کا والد ممتاز موقع سے فرار ہوگیا جبکہ سوتیلی والدہ گل فرہن گرفتار کرلی گئی۔
پولیس نے اقدام قتل اور چائلڈ ایکٹ کے دفعات کے تحت مقدمہ درج کرلیا جبکہ بسمہ اور کائنات دونوں جناح اسپتال میں زیر علاج ہیں۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
