رعایتی سفر کی پیشکش ٹھکرانے والے شخص نے آبدوز ٹائٹن کے سربراہ سے ہوئی چیٹ شیئر کردی

امریکی شہر لاس ویگاس کے ایک سرمایہ کار جے بلوم نے تباہ ہونے والی آبدوز ٹائٹن میں زیر سمندر سفر کی رعایتی پیشکش ٹھکرا دی تھی جس کی وجہ سے وہ حادثے کا شکار ہونے سے بچ گئے۔

جے بلوم اپنے بیٹے شان کے ساتھ ٹائٹن آبدوز کے ذریعے ٹائی ٹینک کا ملبا دیکھنے جانے والے تھے اور اوشین گیٹ کمپنی کے چیف ایگزیکٹو اسٹاکٹن رش نے انہیں رعایتی پیشکش کی کہ وہ ڈھائی لاکھ ڈالر کے بجائے ایک لاکھ ڈالر فی کس دے کر سفر کر لیں۔

جے بلوم نے اپنے اور اسٹاکٹن رش کے درمیان واٹس ایپ پیغامات بھی شیئر کیے ہیں، حادثے کا شکار ہونے والی آبدوز میں اسٹاکٹن رش خود بھی جان سے گئے۔

جے بلوم نے اپنی سوشل میڈیا پوسٹ میں بتایا کہ اسٹاکٹن رش نے فروری میں مجھے اور میرے بیٹے سین کو مئی کے مہینے میں ٹائی ٹینک کا ملبا دیکھنے کے لیے جانے کا کہا لیکن مئی کے مہینے کے دونوں ٹرپ موسم کی خرابی کی وجہ سے ملتوی ہو گئے اور پھر جون میں جانے کا فیصلہ ہوا۔

آبدوز ٹائٹن میں سفر کرنے سے بچ جانے والے سرمایہ کار کا کہنا تھا میں نے اسٹاکٹن رش سے اپنے تحفظات کا اظہار کیا تو ان کا کہنا تھا یہ بات ٹھیک ہے کہ اس میں رسک ہے لیکن ٹائٹن میں سفر کرنا سڑک پار کرنے سے بھی آسان اور محفوظ ہے، اسٹاکٹن رش کا یہ بھی کہنا تھا آبدوز کا سفر میں ہیلی کاپٹر کے سفر اور اسکوبا ڈائیونگ سے بھی زیادہ آسان ہے، مجھے یقین ہے کہ وہ جانتے تھے کہ وہ کیا کہہ رہے ہیں لیکن وہ غلط تھے۔

خیال رہے کہ 1912 کو غرق ہونے والے مسافر بردار سمندری جہاز ٹائی ٹینک کا ملبا دیکھنے کے لیے جانے والی آبدوز ٹائٹن 18 جون کو بحر اوقیانوس میں لاپتہ ہو گئی تھی جس کی تلاش 4 روز تک جاری رہی تاہم گزشتہ روز امریکی کوسٹ گارڈ حکام نے بتایا کہ آبدوز ٹائٹن تباہ ہو گئی ہے اور اس میں سوار تمام افراد زندگی کی بازی ہار چکے ہیں۔

تباہ ہونے والی آبدوز میں مسافروں کو سیاحتی دورے پر لے جانے والی کمپنی اوشین گیٹ کے سی ای او اسٹاکٹن رش سمیت 2 پاکستانی شہزادہ داؤد اور ان کے جوان سالہ بیٹے سلیمان داؤد بھی شامل تھے۔

سائنس اور دریافت کا شوق شہزادہ داؤد اور بیٹے کو ٹائی ٹینک کے ملبے کی مہم پر لے گیا

دوستوں کا کہنا ہے کہ سفر اور سائنس شہزادہ داؤد کے ڈی این اے کا حصہ ہیں جبکہ اہلخانہ کا کہنا ہے کہ اپنے والد کی طرح سلیمان داؤد بھی سائنس فکشن میں گہری دلچسپی رکھتے ہیں

سلیمان ٹائٹینک کی باقیات دیکھنے کے سفر سے خوفزدہ تھا: شہزادہ داؤد کی بہن کا انکشاف

ہم ٹائٹین آبدوز میں موجود دیگر مسافروں کے خاندانوں سے بھی اظہار افسوس کرتے ہیں: اعلامیہ داؤد فیملی