’مرضی کی قیمت پر بک گئے تو ٹھیک ورنہ جانور واپس لے جائیں گے‘
25 جون ، 2023
عید الاضحیٰ میں بس چند روز رہہ گئے تاہم کراچی میں سجی ایشیاء کی سب سے بڑی مویشی منڈی میں بیوپاری قیمتیں کم کرنے کیلئے بلکل تیار نہیں ہیں۔
مویشیوں کے بیوپاریوں کا کہنا ہے کہ جانور مرضی کی قیمت میں بک گئے تو ٹھیک ورنہ واپس لے جائیں گے۔
انہوں نے بتایا کہ منڈی انتظامیہ کی جانب سے اس سال ٹیکس میں مزید اضافہ کردیا گیا ہے۔ ماضی میں 1500 لیے جاتے تھے تاہم اب 4 ہزار وصول کئے جا رہے ہیں۔
دوسری جانب خریداروں اور شہریوں کا ماننا ہے کہ اس بار مویشیوں کی قیمتیں آسمان سے باتیں کر رہی ہیں۔
مویشی منڈی کی انتظامیہ کا کہنا تھا کہ اس مرتبہ ہر ممکن سہولت فراہم کرنے کی کوشش کی ہے تاکہ شہریوں کو مشکلات کا سامنا نہ کرنا پڑے۔
