06 جولائی ، 2023 
پی سی بی میں ہونیوالی تبدیلیوں سے مجھے یا ٹیم کو کوئی پریشانی نہیں ہوتی: بابر
06 جولائی ، 2023
پاکستان کرکٹ ٹیم کے کپتان بابر اعظم نے کہا ہے کہ پاکستان کرکٹ بورڈ میں ہونے والی تبدیلیوں سے انہیں یا ٹیم کو کسی قسم کی پریشانی نہیں ہوتی کیونکہ ان کا فوکس کرکٹ پر ہوتا ہے۔
بابر اعظم نے کراچی میں نیشنل اسٹیڈیم میں پریس کانفرنس کرتے ہوئے کہا کہ بھارت میں ورلڈ کپ کھیلنے جارہے ہیں، صرف انڈیا سے کھیلنے نہیں جارہے، نو ٹیموں کو شکست دیں گے تو فائنل کھیلیں گے۔
انہوں نے کہا کہ جہاں بھی میچز ہوں گے وہیں جاکر کھیلیں گے۔
وکٹ کیپر بیٹر سرفراز احمد سے متعلق بابر کا کہنا تھا کہ سری لنکا کے خلاف ٹیسٹ سیریز میں سرفراز احمد ان کی پہلی چوائس ہیں لیکن پہلے سے حتمی طور پر کچھ نہیں کہا جاسکتا۔
انہوں نے کہا کہ نائب کپتان کا پلئینگ الیون میں ہونا ضروری نہیں ہے، پلئینگ الیون میں کنڈیشن کو دیکھتے ہیں، اسی طرح ٹیم کا انتخاب کیا جاتا ہے۔
پی سی بی میں ہونے والی تبدیلیوں سے متعلق کپتان نے کہا کہ ہمیں اس سے کوئی پریشانی نہیں ہوتی، بار بار تبدیلی سے میں اور میری ٹیم پریشان نہیں ہوتی، ہماری توجہ کرکٹ پر مرکوز ہوتی ہے، کیا تبدیلیاں ہورہی ہیں اس پر زیادہ فوکس نہیں کرتے۔
بابر نے کہا کہ ابھی وہ خود بھی ذکا اشرف سے نہیں ملے، انہیں جو چاہیے ہوتا ہے وہ اپنا پیغام پی سی بی کو پہنچا دیتے ہیں۔
کپتان کا کہنا تھا کہ تربیتی کیمپ کے دوران فٹنس ٹیسٹ ہوا، اس مقابلے کو بہت انجوائے کیا جس میں رضوان فاتح قرار پائے۔
مزید خبریں :
بابر اعظم نے ٹیسٹ کرکٹ میں اہم سنگ میل عبور کر لیا
27 دسمبر ، 2024
کوہلی کو آسٹریلوی بیٹر کو کندھا مارنا بھاری پڑگیا، جرمانہ عائد
26 دسمبر ، 2024
