08 جولائی ، 2023 
فارمولا دودھ ڈاکٹر کے نسخے سے صرف میڈیکل اسٹورز پر فروخت ہوگا: وزیر صحت سندھ
08 جولائی ، 2023
وزیر صحت سندھ ڈاکٹر افضل پیچوہو نے بریسٹ فیڈنگ قانون کے مسودے میں تبدیلی سے انکار کردیا اور کہا کہ فارمولا دودھ کی فروخت صرف میڈیکل اسٹورز پر ہوگی اور ڈاکٹر کے نسخے کے بغیر نہیں ہو گی۔
وزیر صحت نے کہا ہے کہ پروٹیکشن اینڈ پروموشن آف بریسٹ فیڈنگ اینڈ ینگ چائلڈ نیوٹریشن ایکٹ 2023 میں مجوزہ ترامیم پر قائم ہیں۔
اس معاملے پر بے بی فوڈ انڈسٹری کے نمائندوں اور وزیر صحت کی چند روز قبل ہونے والی ملاقات بے نتیجہ رہی، قانون میں ترمیم کے تحت 36 ماہ تک کے بچوں کے دودھ کو فارمولا دودھ سمجھا جائے گا۔ نوزائیدہ بچوں کو فارمولا دودھ صرف ڈاکٹر کی ہدایت پردیا جائے گا۔
خیال رہے کہ سندھ کابینہ نے کچھ روز قبل پروٹیکشن اینڈ پروموشن آف بریسٹ فیڈنگ اینڈ ینگ چائلڈ نیوٹریشن ایکٹ 2023 میں ترمیم منظور کی تھی۔
مزید خبریں :
شیخ رشید صدر زرداری کے قتل کی سازش کے کیس سے بری
1 گھنٹے پہلے
پنجاب اسمبلی نے ترمیمی زرعی انکم ٹیکس بل منظور کرلیا
10 گھنٹے پہلے
