02 اگست ، 2023 
سابق کپتان راشد لطیف کا پی سی بی کرکٹ کمیٹی سے اظہارِ لاتعلقی
02 اگست ، 2023
قومی کرکٹ ٹیم کے سابق کپتان راشد لطیف نے پاکستان کرکٹ بورڈ (پی سی بی) کی کرکٹ کمیٹی سے لاتعلقی کا اظہار کر دیا۔
راشد لطیف نے ایک سوشل میڈیا پروگرام میں گفتگو کرتے ہوئے کہا کہ کرکٹ کمیٹی سے میرا کوئی تعلق نہیں، چیئرمین منیجمنٹ کمیٹی ذکا اشرف کی پیشکش پہلے ہی انکار کرچکا ہوں۔
ان کا کہنا تھا کہ مصباح الحق کے کہنے پر ایک بار گیا تھا جہاں کرکٹ ایشو پر مشاورت ہوئی ،کرکٹ کمیٹی کا حصہ بننا چاہتا ہوں نہ بنوں گا۔
راشد لطیف نے کہا کہ کرکٹ کمیٹی کا شوشہ چیئرمین نے کیا ہے تو کرکٹ کمیٹی کا اعلان کیوں نہیں کیا؟، پی سی بی میں فی الحال کوئی کام نہیں کرنا چاہتا۔
واضح رہے کہ گزشتہ دنوں پاکستان کرکٹ بورڈ کی منیجمنٹ کمیٹی کے سربراہ چوہدری ذکا اشرف نے کرکٹ امور میں مشاورت کے لیے سابق ٹیسٹ کپتان مصباح الحق کو اپنا مشیر مقرر کیا۔
کرکٹ امور کی انجام دہی کے لیے مصباح الحق کو کرکٹ کمیٹی کے سربراہ کی ذمہ داریاں بھی دی گئیں۔
ذرائع کے مطابق چند روز قبل پی سی بی ہیڈ کوارٹر قذافی اسٹیڈیم میں اجلاس منعقد ہوا تھا جس میں مصباح الحق کے ساتھ پی سی بی کے چیف آپریٹنگ آفیسر سلمان نصیر، سابق ٹیسٹ کپتان راشد لطیف، جنرل منیجر ڈومیسٹک کرکٹ جنید ضیاء کے علاوہ قومی ٹیسٹ ٹیم کے سابق کپتان محمد حفیظ نے بھی زمبابوے سے ویڈیو لنک پر شرکت کی تھی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
