06 اگست ، 2023 
پاکستان
مسافر نے ایجنٹ کی مدد سے کینیڈا کا ویزا حاصل کیا جو جعلی نکلا__فوٹو: جیو نیوز
کراچی سے جعلی ویزے پر کینیڈا جانے والا مسافر ائیرپورٹ پر گرفتار
06 اگست ، 2023
وفاقی تحقیقاتی ادارے (ایف آئی اے) کے امیگریشن ڈیپارٹمنٹ کے عملے نے کراچی سے جعلی ویزے پر کینیڈا جانے کے لیے پہنچے مسافر کو پرواز سے آف لوڈ کر کے گرفتار کر لیا۔
علی رضا نامی مسافر کے پاسپورٹ پر کینیڈا کا جعلی ویزا لگا ہوا تھا، مسافر ورک ویزے پر بذریعہ فلائٹ پی کے 783 سے کینیڈا جا رہا تھا۔
مسافر نے ایجنٹ کی مدد سے کینیڈا کا ویزا حاصل کیا جو جعلی نکلا۔
مسافر کو مزید جانچ پڑتال اور قانونی کارروائی کے لیے اینٹی ہیومن ٹریفکنگ سرکل کراچی منتقل کردیا گیا۔
