15 اگست ، 2023 
کراچی میں 15 سالہ ڈکیت لڑکی پکڑی گئی
15 اگست ، 2023
کراچی میں 15 سالہ ڈکیت لڑکی پکڑی گئی ہے جس نے بتایا کہ اس کے والد بھی جیل میں ہیں اور وہ انہیں کے دوستوں کے ہمراہ وارداتیں کرتی ہے۔
نارتھ ناظم آباد میں شہری بینک سے 19 لاکھ روپےکی رقم لےکر نکلا تو بینک کے اندر سے ہی مبینہ ریکی کی گئی۔
رقم چھیننے کی کوشش کے دوران شہری نے فائرنگ کی تو ماریہ نامی لڑکی کے ساتھی بھاگ گئے اور لڑکی پکڑی گئی، اہل علاقہ نے لڑکی کو پولیس کے حوالے کردیا۔
گرفتار ملزمہ نے پولیس کو بتایا کہ ساتھی ملزمان رشید اور فرمان والد کے دوست ہیں، والدکے جیل جانےکے بعد ان کے دوستوں کے ساتھ وارداتیں شروع کیں، گزشتہ ہفتے 50 ہزار روپے کی ڈکیتی کی تھی، 10 ہزار روپے اسے ملے تھے۔
ملزمہ ماریہ کا کہنا ہے کہ وہ غازی گوٹھ میں کرائےکے گھر میں رہتی ہے، ملزمہ نے ڈکیتی میں بینک منیجر کے ملوث ہونےکا بھی دعویٰ کردیا۔
پولیس حکام کا کہنا ہےکہ ملزمہ کے بیان کی روشنی میں تحقیقات شروع کردی گئی ہیں اور فرار ملزمان کی تلاش بھی شروع کردی گئی ہے۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
