23 اگست ، 2023 
کمرشل رائٹس اور لیگز کا معاملہ: کپتان سمیت سینئر کھلاڑیوں کی پی سی بی حکام سے طویل ملاقات
23 اگست ، 2023
پی سی بی عہدیداران اور قومی ٹیم کے کپتان سمیت سینئر کھلاڑیوں کے درمیان کمرشل رائٹس اور لیگز میں شرکت کے معاملے پر طویل ملاقات ہوئی۔
ذرائع کے مطابق ڈومیسٹک کرکٹ کے لیےکھلاڑیوں کو سینٹرل کنٹریکٹ رواں ہفتے دیے جانے امکان ہے جس سے متعلق تمام معاملات حتمی مرحلے میں داخل ہوچکے ہیں۔
ذرائع کا کہنا ہےکہ ڈومیسٹک کرکٹ ڈپارٹمنٹ نےکھلاڑیوں کی فہرست اورطریقہ کار طےکرلیا ہے جس کی عبوری چیئرمین پی سی بی وطن واپسی پر حتمی منظوری دیں گے۔
ذرائع کا بتانا ہےکہ 350 سے زائد کرکٹرزکو ڈومیسٹک کنٹریکٹ دیے جانےکا امکان ہے۔
ذرائع کا کہنا ہےکہ سینٹرل کنٹریکٹ سے متعلق کپتان بابراعظم اور سینئرکرکٹرز سے سری لنکا میں پی سی بی آفیشلزکی ہمبنٹوٹا میں طویل ملاقات ہوئی۔
ذرائع کے مطابق کھلاڑیوں کےکمرشل رائٹس اور لیگز میں شرکت کی اجازت کا معاملہ حل طلب تھا جب کہ دیگر مد میں حاصل ہونے والی آمدنی میں شیئرکے معاملات بھی حل طلب تھے، پی سی بی آفیشلز نے تمام معاملات اور شقوں پرکھلاڑیوں کوبریف کردیا ہے اور پی سی بی جلد معاملات کےخوش اسلوبی سےحل کےلیے پرامید ہے۔
مزید خبریں :
2025 کے سب سے زیادہ آمدن والے گالفرز کی فہرست جاری
2 گھنٹے پہلے
