26 اگست ، 2023 
ہیومن ٹریفکنگ سیل کی کراچی کینٹ اسٹیشن پر کارروائی، ایجنٹ گرفتار
26 اگست ، 2023
ہیومن ٹریفکنگ سیل نے کراچی کینٹ اسٹیشن پر کارروائی کرکے حافظ آباد کا ایجنٹ گرفتار کرلیا۔
ملزم سعدی احمد کے خلاف ہیومن ٹریفکنگ سیل میں انکوائری اور مقدمات پہلے سے درج ہیں۔ ایف ائی اے ذرائع کے مطابق ملزم پر کراچی سے ایران کے راستے شہریوں کو ملازمت کیلئے عراق بھیجنے کا الزام ہے۔
ذرائع کے مطابق گروہ شہریوں کو زیارت کے بہانے ایران لے جاتا ہے جہاں عراق کے جعلی ویزے فراہم کیے جاتے ہیں، ملزمان حافظ آباد اور پنجاب کے دیگر علاقوں کے شہریوں کو بے وقوف بناتے ہیں۔
ایف آئی اے حکام کا کہنا ہے کہ ایران میں شیخ انصاری نامی ایجنٹ عراق کے جعلی ویزے فراہم کرتا ہے، ملزم سعدی احمد ہفتے کی دوپہر حافظ آباد سے 35 افراد کو لے کر ٹرین سے کراچی پہنچا تھا، ایف آئی اے کے عملے نے خفیہ اطلاع پر کینٹ اسٹیشن پر کارروائی کر کے گرفتار کرلیا۔
جعل سازی کا شکار بیشتر افراد چھاپے کے دوران رفو چکر ہوگئے جبکہ پکڑے گئے چھ شہریوں نے ملزم سے لاتعلقی کی جس پر انہیں رہا کردیا گیا۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
23 نومبر ، 2024
کراچی میں ڈاکوؤں نے ایک اور چراغ گُل کر دیا
23 نومبر ، 2024
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
