11سالہ منگیترکے قتل کے الزام میں ملزم گرفتار

میرپور خاص میں 11 سالہ منگیتر کے قتل کے الزام میں ملزم اور  اس کے 3 بھائیوں کو گرفتار کرلیا گیا۔

پولیس کے مطابق شورو گاؤں میں 3  روز قبل کھیتو ں سے بچی کی لاش ملی تھی، بچی کے منگیتر  وحید شورو  نے قتل کا اعتراف کرلیا ہے۔

ملزم کا بچپن میں ہی بچی سے رشتہ طے ہوگیا تھا اور  ملزم اپنی منگیتر کے بجائے دوسری لڑکی سے شادی کرنا چاہتا تھا۔

ملزم کی اعانت کے الزام میں اس کے 3 بھائیوں کو بھی گرفتار کیا گیا ہے، ملزمان کو  پیر کے روز عدالت میں پیش کیا جائےگا۔