02 ستمبر ، 2023 
بولرز کی کارکردگی سے پوری ٹیم کا اعتماد بڑھا ہے: بابر اعظم
02 ستمبر ، 2023
ایشیاکپ میں بارش کے باعث پاکستان اور بھارت کے درمیان ہونے والا میچ بے نتیجہ ختم ہوگیا تاہم قومی ٹیم کے فاسٹ بولرز نے پوری بھارتی ٹیم کو آؤٹ کرکے پانی صلاحیتوں کا لوہا منوالیا۔
پاکستان کے خلاف بھارت کی پوری ٹیم 49 ویں اوور میں 266 رنز بنا کر آؤٹ ہوگئی تھی، پاکستان کو 267 رنز کا ہدف ملا تھا تاہم بارش کے باعث پاکستان کی اننگز شروع ہی نہ ہوسکی اور میچ ختم کرکے دونوں ٹیموں کو ایک ایک پوائنٹ دے دیا گیا۔
پاکستان کی جانب سے شاہین شاہ آفریدی نے 35 رنز دے کر 4 کھلاڑیوں کو پویلین روانہ کیا جب کہ نسیم شاہ نے 36 رنز دے کر 3 وکٹیں اور حارث رؤف نے 58 رنز دے کر 3 وکٹیں حاصل کیں۔
پاکستانی بیٹرز کو تو اپنی کارکردگی دکھانےکا موقع نہ مل سکا تاہم بولرز بھرپور داد سمیٹنے میں کامیاب رہے۔
قومی ٹیم کے کپتان بابر اعظم نے بھی میچ کے بعد بولرز کی تعریف کرتے ہوئے سوشل میڈیا سائٹ ایکس پر پوسٹ کیا کہ ' بولرز کی اس طرح کی کارکردگی سے پوری ٹیم کا اعتماد بڑھا ہے'۔
بابر نے تینوں فاسٹ بولرز کو ٹیگ کرتے ہوئے لکھا کہ 'یہ لوگ ساری تعریف کے مستحق ہیں'۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
