04 ستمبر ، 2023 
پاکستان
نگران حکومت عوامی احتجاج بھی دیکھے، مسائل کا نوٹس لے جن کی وجہ سے لوگ متحرک ہو رہے ہیں: ایچ آر سی پی__فوٹو: فائل
ایچ آر سی پی کا الیکشن کمیشن سے انتخابات کا شیڈول جاری کرنیکا مطالبہ
04 ستمبر ، 2023
ہیومن رائٹس کمیشن آف پاکستان (ایچ آر سی پی) نے الیکشن کمیشن سے ملک میں انتخابات کا شیڈول جاری کرنے کا مطالبہ کر دیا۔
ایچ آر سی پی نے کہا کہ انتخابات کے حوالے سے پائی جانے والی غیریقینی صورتحال ختم ہونی چاہیے، حلقہ بندیوں کو انتخابات کو مزید مؤخر کرنے کے لیے بطورِ بہانہ استعمال نہ کیا جائے۔
ہیومن رائٹس کمیشن نے اپنے بیان میں مزید کہا کہ انتہائی دائیں بازوکی سیاسی جماعتوں کے لیے مصنوعی سیاسی جگہ بنانےکے لیے فرقہ ورانہ دھڑے بندیوں کو ہوا دیے جانے کی اطلاعات ہیں۔
بیان میں کہا گیا کہ نگران حکومت عوامی احتجاج بھی دیکھے، مسائل کا نوٹس لے جن کی وجہ سے لوگ متحرک ہو رہے ہیں۔
