04 ستمبر ، 2023 
کھیل
تیسرے ٹی ٹوئنٹی میں گرین شرٹس نے مہمان ٹیم کو 6 رنز سے شکست دی— فوٹو: پی سی بی
پاکستان ویمنز نے پہلی بار ٹی 20 سیریز میں جنوبی افریقا کیخلاف کلین سوئپ کردیا
04 ستمبر ، 2023
پاکستان ویمنز ٹیم نے پہلی بار ٹی 20 سیریزمیں جنوبی افریقا کے خلاف کلین سوئپ کردیا۔
کراچی میں کھیلے گئے تیسرے ٹی ٹوئنٹی میں پاکستان ویمنز ٹیم نے پہلے بیٹنگ کرتے ہوئے مقررہ اوورز میں 5 وکٹ پر 150 رنزبنائے۔ بسمہ معروف اور سدرہ امین نے 39، 39 رنز بناکر نمایاں رہیں۔
جواب میں مہمان ٹیم مقررہ اوورز میں 5 وکٹ پر 144 رنزبناسکی اور اسے 6 رنز سے شکست ہوئی۔
کپتان لاورا ولوارڈ 72 رنزبناکرنمایاں رہیں۔ گرین شرٹس کی جانب سے سعدیہ اقبال اور نشرہ سندھو نے دو دو وکٹیں حاصل کیں۔ پاکستان ویمنز ٹیم نے تین میچز کی سیریز میں جنوبی افریقا کے خلاف پہلی مرتبہ کلین سوئپ کیا۔
دونوں ٹیموں کے درمیان ون ڈے سیریز 8 ستمبر سے شروع ہوگی۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
