14 ستمبر ، 2023 
کرکٹرز کو زخمی ہونے سے بچانے کیلئے آسٹریلیا نے پلیئنگ کنڈیشنز میں تبدیلیاں کردیں
14 ستمبر ، 2023
کرکٹ آسٹریلیا نے آسٹریلوی بیٹرز کے لیے گردن کے پروٹیکٹر کا استعمال لازمی قرار دینے کافیصلہ کرلیا۔
کرکٹ آسٹریلیا نے پلیئنگ کنڈیشنز میں تبدیلیاں کردیں جس کے مطابق انٹرنیشنل اور ڈومیسٹک کرکٹ میں تمام بیٹرز کو ہیلمٹ کے ساتھ گردن پر گیند لگنے سے بچانے والا پروٹیکٹر لازمی پہننے کی ہدایت کی گئی ہے۔
کرکٹ آسٹریلیا کے مطابق نئے قانون کا اطلاق یکم اکتوبر سے ہو گا، نئے قانون کی خلاف ورزی کرنے والے کھلاڑیوں پر جرمانہ عائد کیا جائے گا، کرکٹ آسٹریلیا کے اس فیصلے سے متعدد کھلاڑی متاثر ہوں گے۔
آسٹریلوی کھلاڑی عثمان خواجہ ، ڈیوڈ وارنر اور اسٹیو اسمتھ اس سے پہلے ہیلمٹ کے ساتھ پروٹیکٹر استعمال کرنے سے انکار کر چکے ہیں۔
موجودہ وائٹ بال کے آسٹریلوی اسکواڈ میں ٹم ڈیوڈ، جوش انگلس بھی حفاظتی پروٹیکٹر کا استعمال نہیں کرتے۔
کرکٹ آسٹریلیا نے فل ہیوز کے انتقال کے بعد ہیلمٹ کے ساتھ پروٹیکٹر کے استعمال کی تجویز دی تھی، فل ہیوز کی ڈومیسٹک میچ کے دوران گردن پر گیند لگنے سے موت واقع ہوئی تھی۔
کرکٹ آسٹریلیا نے حفاظتی پروٹیکٹر سمیت نئے سیزن کے پلیئنگ کنڈیشنز کے لیے 12 تبدیلیاں کی ہیں۔
مزید خبریں :
لیور پول نے انگلش پریمیئر لیگ کا ٹائٹل جیت لیا
28 اپریل ، 2025
پی ایس ایل 10 کے 2 میچ ری شیڈول کر دیےگئے
27 اپریل ، 2025
آئی پی ایل میں امپائرز کو ایک میچ کی کتنی فیس ملتی ہے؟
27 اپریل ، 2025
