10 جنوری ، 2013 
پاکستان میں افغان مہاجرین کے قیام کی مدت میں چھ ماہ کی توسیع
10 جنوری ، 2013
پشاور…مہاجرین کی آبادکاری کے لئے اقوام متحدہ کے ادارے یو این ایچ سی آر کی ترجمان دنیا اسلم خان نے کہا ہے کہ پاکستان میں مقیم افغان مہاجرین کے قیام کی مدت میں چھ ماہ کی توسیع کردی گئی ہے۔ جیو نیوز سے گفتگو میں اسلم خان کا کہنا تھا کہ پاکستان میں انتخابات اور نگران حکومت کے قیام کے پیش نظر افغان مہاجرین کو نئے رجسٹریشن کارڈ جاری نہیں کیے جا رہے اور پرانے کارڈ ہی قابل استعمال ہوں گے۔ ان کا مزید کہنا تھا کہ کارڈ کے حامل افغان باشندوں کو فارن ایکٹ کے تحت گرفتار نہ کیا جائے۔ ترجمان کے مطابق پاکستان رضاکارانہ واپسی پروگرام کے اب تک 3.4 ملین افعان مہاجرین واپس چلے گئے ہیں جبکہ 1.6 ملین رجسٹرڈ افعان مہاجرین اب بھی پاکستان میں مقیم ہیں ،جس میں سے ایک ملین خیبر پختون خوا میں رہاش پزیر ہیں۔ ترجمان کے مطابق سال 2012 میں افغان مہاجرین کی رضاکارانہ وطن واپسی میں 40 فیصد اضافہ ہوا۔
مزید خبریں :
گوادر میں زلزلےکے جھٹکے، شدت 4.9 ریکارڈ
14 جون ، 2025
رواں سال حج کے دوران کتنے پاکستانی وفات پاگئے؟
14 جون ، 2025
مسلم دنیا متحد نہ ہوئی تو سب کی باری آئے گی: خواجہ آصف
14 جون ، 2025
