23 ستمبر ، 2023 
لاہور: ڈرون کے ذریعے منشیات اسمگل کرنے والا ایک اور گروہ گرفتار
23 ستمبر ، 2023
لاہور: اینٹی نارکوٹکس اور رینجرز نے ڈرون کے ذریعے منشیات اسمگل کرنے والے ایک اور گروہ کو گرفتار کرلیا۔
ترجمان اے این ایف کے مطابق اینٹی نارکوٹکس فورس نے پنجاب رینجرز کے ساتھ بادیاں چیک پوسٹ لاہور کے قریب مشترکہ کارروائی کی جس دوران 2 گاڑیوں میں سوار لاہور اور خانیوال کے رہائشی 3 ملزمان کو گرفتار کیا گیا جن کے قبضے سے 6 کلوگرام ہیروئن اور ایک ڈرون برآمد کیا گیا۔
ترجمان کا کہنا تھا کہ اے این ایف اور رینجز نے 5 مختلف کارروائیوں کے دوران 183 کلوگرام سے زائد منشیات برآمد کرکے 8 ملزمان کو گرفتار کیا ہے۔
ترجمان نے بتایا کہ 5 موٹروے ٹول پلازہ اسلام آباد کے قریب ایک گاڑی سے 26 کلو 400 گرام افیون اور 12 کلو آئس برآمد کی گئی، اس دوران مردان اور کشمیر کے رہائشی 2 ملزمان کوگرفتار کیا گیا۔
ترجمان کے مطابق اٹک میں مدینہ چوک کے قریب رکشے سے 27 کلو 600 گرام چرس برآمد ہوئی، ملزم منشیات رکشے کے خفیہ خانوں میں چھپا کر اسمگل کر رہا تھا۔
کراچی کے علاقے ملیر میں ایک گاڑی سے 100 کلو 800 گرام چرس اور 30 بور پستول برآمد کرکے ایک ملزم کو گرفتار کیا گیا۔
اے این ایف نے سونا خان چوک کوئٹہ کے قریب جیپ سے 11 کلو گرام چرس برآمد کی، ملزم مستونگ کا رہائشی تھا جو منشیات کوئٹہ اسمگل کرنے کی کوشش میں گرفتار ہوا۔
مزید خبریں :
ملتان میں ٹریفک وارڈن کے مبینہ تشدد سے بزرگ شہری جاں بحق
12 گھنٹے پہلے
کراچی میں ڈاکوؤں نے ایک اور چراغ گُل کر دیا
12 گھنٹے پہلے
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
