قمبر شہداد کوٹ: ایک ماہ قبل اجتماعی زیادتی کی شکار لڑکی کراچی کے سول اسپتال میں دم توڑ گئی

قمبر شہدادکوٹ کے علاقے وارہ میں ایک ماہ قبل زیادتی اور تشدد کا نشانہ بنی لڑکی کراچی کے سول اسپتال میں دم توڑ گئی۔

پولیس کے مطابق قمبر شہدادکوٹ میں وارہ کے علاقے میرن کوٹ کی رہائشی 13 سال کی لڑکی کو ایک ماہ قبل پانچ افراد اغوا کر کے لے گئے اور اجتماعی زیادتی کا نشانہ بنایا اور تشدد کے بعد سڑک پر پھینک کر فرار ہو گئے۔

پولیس کا کہنا ہے کہ تشدد اور  زیادتی کے بعد  لڑکی کو چانڈکا اسپتال لاڑکانہ لے جایا  گیا،لیکن حالت تشویشناک ہونے پر کراچی کے سول اسپتال منتقل کر دیا گیا۔جہاں وہ جانبر نہ ہوسکی۔

لاہور: بیٹی سے زیادتی کے مجرم کو سزائے موت کا حکم

ماڈل کورٹ برائے جنسی تشدد کے جج میاں شاہد جاوید نے ملزم رفیق پر جرم ثابت ہونے پر سزائے موت کا حکم سنایا۔

پولیس کے مطابق واقعے کا مقدمہ وارہ تھانے میں 3 نامزد اور 2 نامعلوم افراد کے خلاف درج ہے، تین نامزد ملزمان پولیس کی تحویل میں ہیں۔

دوسری جانب ورثا نے پولیس پرالزام عائد کیا ہے کہ پولیس تفتیش اور 2 نامعلوم ملزمان کی گرفتاری میں دلچسپی نہیں لے رہی جس کی وجہ سے انصاف ملنے میں تاخیر ہو رہی ہے۔