'دوسری شادی کا فیصلہ مشکل ترین لیکن آسان تھا'، ماہرہ نے مداحوں کے نام پیغام جاری کردیا

نامور پاکستانی اداکارہ ماہرہ خان نے شادی کے بعد پہلا بیان جاری کرتے ہوئے ان تمام افراد کا شکریہ ادا کیا جنہوں نے ان کے لیے نیک خواہشات کا اظہار کیا۔

ماہرہ خان 2 اکتوبر کو اپنے دوست سلیم کریم کے ساتھ رشتہ ازدواج میں منسلک ہوئیں جس کی تصدیق اداکارہ کے بھائی اور ان کی مینیجر نے انسٹاگرام پر جاری تصاویر اور ویڈیو کے ذریعے کی۔

بعدازاں ماہرہ خان نے بھی اپنی تصویریں اور دوسری شادی کی ویڈیو جاری کی جو وائرل ہوئی۔

اب اداکارہ کی جانب سے انسٹاگرام اسٹوری پر ایک بیان جاری کیا گیا ہے جس میں انہوں نے اپنے ساتھی اداکاروں سمیت تمام مداحوں کا شکریہ ادا کیا ہے۔

شادی پر مبارکباد دینے اور نیک خواہشات کا اظہار کرنے والے افراد کے لیے ماہرہ خان نے انسٹاگرام اسٹوری میں ان کا شکریہ ادا کیا اور کہا وہ ہمیشہ ان سب کی شکر گزار رہیں گی۔

اداکارہ نے درخواست کی اور لکھا 'میرے، اذلان اور سلیم کے لیے دعا کرتے رہیں، دوسری شادی کا فیصلہ میری زندگی کا مشکل ترین لیکن ساتھ ہی آسان بھی تھا'۔

ماہرہ خان نے اسٹوری میں مداحوں سے وعدہ کیا کہ وہ جلد ہی شادی کے مزید لمحات یعنی تصاویر اور ویڈیوز اپنے اکاؤنٹ پر شیئر کریں گی۔

ماہرہ خان کے شوہر سلیم کریم کون ہیں اور دونوں کی ملاقات کیسے ہوئی؟

مداحوں کے ذہنوں میں جہاں کئی سوالات نے جنم لیا وہیں یہ سوال بھی دماغ میں آئے کہ آخر سلیم کریم ہیں کون اور جوڑے کی ملاقات کہاں ہوئی؟

'میرا شہزادہ سلیم'، ماہرہ نے اپنی شادی کی تصاویر اور ویڈیو جاری کردی

ویڈیو میں دیکھا جاسکتا ہے کہ ماہرہ اپنے بھائی اور بیٹے کے ساتھ اسٹیج کی جانب آتی ہیں