26 اکتوبر ، 2023 
پاکستان
واپس جانے والے افغان شہریوں میں 965 مرد، 852 خواتین اور 2422 بچے شامل تھے۔ فوٹو فائل
افغان شہریوں کی وطن واپسی کا سلسلہ جاری، مزید 4239 افراد واپس چلے گئے
26 اکتوبر ، 2023
حکومت پاکستان کی جانب سے دیے گئے الٹی میٹم کے بعد سے افغان شہریوں کی اپنے وطن واپسی کا سلسلہ جاری ہے۔
اطلاعات کے مطابق 25 اکتوبر کو مزید 4 ہزار239 افغان باشندے اپنے ملک واپس چلے گئے، واپس جانے والے افغان شہریوں میں 965 مرد، 852 خواتین اور 2422 بچے شامل تھے۔
افغانستان روانگی کیلئے 112 گاڑیوں میں 230 خاندانوں کی وطن واپسی ہوئی۔ اب تک 72 ہزار 219 افغان پناہ گزینوں کی اپنے وطن واپسی ہوچکی ہے۔
یاد رہے کہ حکومت پاکستان نے غیر قانونی طور پر مقیم غیر ملکیوں کو اپنے وطن واپسی کے لیے 31 اکتوبر کی ڈیڈ لائن دی ہے۔
وزیر داخلہ سرفراز بگٹی کا کہنا ہے کہ ڈیڈ لائن ختم ہونے کے بعد غیر قانونی طور پر مقیم غیر ملکیوں کو گرفتار کر کے ڈی پورٹ کیا جائے گا۔
