پاکستان
16 جنوری ، 2013
16 جنوری ، 2013 
ذوالفقار مرزا کیخلاف توہین رسالت کا مقدمہ درج نہیں ہوسکا
16 جنوری ، 2013
کراچی … سندھ ہائی کورٹ نے ڈاکٹر ذوالفقار مرزا کے خلاف توہین رسالت کا مقدمہ درج نہ ہونے پر مستعفی وزیر روٴف صدیقی کی توہین عدالت کی درخواست کی سماعت غیر معینہ مدت تک ملتوی کردی۔ سندھ ہائی کورٹ میں روٴف صدیقی نے ایس ایچ او کلاکوٹ کے خلاف عدالتی احکامات پر عمل درآمد نہ کرنے کے خلاف درخواست دائر کی تھی۔ میڈیا سے گفتگو میں روٴف صدیقی نے بتایا کہ ہائیکورٹ نے حکم دیاتھا کہ اگر جرم ثابت ہوتاہے تو ڈاکٹر ذوالفقار مرزا کے خلاف توہین رسالت کا مقدمہ درج کیا جائے، لیکن پولیس نے تاحال کوئی کارروائی نہیں کی۔ انہوں نے کہاکہ شہریوں کو انصاف ملے گا تو عدلیہ پر اعتبار بڑھے گا۔
