(ن) لیگ کے ساتھ کوئی لینے دینے کی بات نہیں ہوئی: علیم خان

کراچی: استحکام پاکستان پارٹی کے صدر علیم خان نے کہا ہےکہ (ن)  لیگ کے ساتھ کوئی لینے دینے کی بات نہیں ہوئی۔

ایک انٹرویو میں علیم خان نے کہا کہ جہانگیر ترین بیمار تھے تو شہباز شریف ان سے ملاقات کے لیے آئے تھے، جہانگیر ترین اب شہباز شریف کے پاس ملاقات کے لیے گئے۔

انہوں نے کہا کہ یہ غیر سگالی کی ملاقاتیں ہوتی ہیں کسی ایجنڈے کی ملاقات نہیں تھی، کسی ایجنڈے کی ملاقات ہوگی تو پہلے 30 رکنی سی ای سی میں جائیں گے۔

علیم خان کا کہنا تھاکہ پاکستان میں میرے پسندیدہ لیڈر چوہدری شجاعت ہیں وہ بہت نفیس اور اعلیٰ نسل کے انسان ہیں وہ ایک عام سیاستدان نہیں خاص ہیں، نواز شریف، چوہدری شجاعت کے پاس گئے ہیں تو اچھی بات ہے۔

واضح رہےکہ شہباز شریف اور جہانگیر ترین کی ملاقات کےبعد (ن) لیگ اور استحکام پاکستان پارٹی میں سیٹ ایڈجسٹمنٹ کی خبریں سامنے آئی تھیں جس پر دونوں جماعتوں کی جانب سے متضاد بیانات بھی سامنے آئے۔

آئی پی پی کیساتھ سیٹ ایڈجسٹمنٹ ہوئی یا نہیں؟ ن لیگی رہنماؤں کے متضاد بیانات

پاکستان مسلم لیگ ن کے صدر شہباز شریف اور استحکام پاکستان پارٹی (آئی پی پی) کے سربراہ جہانگیر ترین کے درمیان ہونے ملاقات کے بعد خبر سامنے آئی کہ دونوں جماعتوں نے سیٹ ایڈجسٹمنٹ کے معاملے پر اتفاق کرلیا ہے

شہباز شریف اور جہانگیرترین کی ملاقات، سیٹ ایڈجسٹمنٹ پر اتفاق ہوگیا

سیٹوں کا نمبر کیا ہوگا؟ یہ اگلی ملاقاتوں میں پیپرورک کے ساتھ طے ہوگا، ملاقات گزشتہ روز شہباز شریف کی رہائش گاہ پر ہوئی تھی: ذرائع