کاروبار

پاکستان نے 35 کروڑ ڈالرز قرض کیلئے ورلڈ بینک کی شرائط تسلیم کرلیں

21 دسمبر ، 2023

حکومت نے 15 ہزار روپے یا اس سے زائد مالیت کے پرائز بانڈز کو رجسٹرڈ دستاویز میں تبدیل کرنے کے لیے ورلڈ بینک سے اتفاق کرلیا ہے/ فائل فوٹو

اسلام آباد: پاکستان نے 35کروڑ ڈالرز قرضے کے لیے مصنوعات اور خدمات جنرل سیلز ٹیکس (جی ایس ٹی ) میں ہم آہنگی اور پراپرٹی پر ویلیو ایشن ریٹ بڑھانے کےلیے ورلڈ بینک کی شرائط تسلیم کرلی ہیں ۔

تفصیلات کے مطابق پراپر ٹی پر تخمینی لاگت کا تناسب مارکیٹ قیمت کا 85 فیصد رکھنے کے لیے صوبائی ریونیو بورڈ نے ایف بی آر کے مالی قدر کے جدول کو ضلعی جدول کے طور پر ملک کے 21 اضلاع میں اختیار کرلیے ہیں۔

اس کے علاوہ حکومت نے 15 ہزار روپے یا اس سے زائد مالیت کے پرائز بانڈز کو رجسٹرڈ دستاویز میں تبدیل کرنے کے لیے ورلڈ بینک سے اتفاق کرلیا ہے۔

اعلیٰ سرکاری ذرائع نے تصدیق کی ہے کہ ایشین انفرا اسٹر کچر انو سٹمنٹ بینک (اے آٹی آئی بی ) نے مالی شراکت کے طور پر 25 کروڑ ڈالرز کی منظوری دی، اس طرح ملنے والے قرضوں کا مجموعی حجم 60کروڑ ڈالرز ہوجاتا ہے۔

نازک اسٹر کچرل مشکلات کی وجہ سے غربت میں کمی لانے کی رفتار سست پڑ گئی ہے اس کے علاوہ گاہے بگارہے درپیش اقتصادی بحران بھی ایک وجہ ہے۔

ورلڈ بینک کے مطابق آئندہ فروری میں مجوزہ عام انتخابات کے باعث سیا سی و حکومتی بے یقینی سے آپر یشنل خطرات کہیں زیادہ ہیں، اس سے وابستہ سیا سی دباؤ مالی دباؤ کے علاوہ اصلاحات پر عمل درآمد میں مشکلات درپیش ہوں گی، درآمدات کے لیے محض ڈیڑھ ماہ کی ادائیگیاں رہ گئی ہیں، اضافی بیرونی امداد کی ضرورت ہے۔

بینکنگ شعبے سے حکومت کے بھاری قرضے اوراہم درآمدات میں رکاوٹ بھی پیچیدگی اور مشکلات کا باعث ہیں، ان میں خصوصاَ تجارتی ٹیرف اصلاحات ، پراپرٹی ٹیکیشن میں اضافہ اور توانائی کے شعبے میں اصلاحات ان میں شامل ہیں ۔