کھیل

فلسطینیوں سے اظہار یکجہتی، آئی سی سی نے عثمان خواجہ کو ضوابط کی خلاف ورزی پر چارج کر دیا

21 دسمبر ، 2023

پاکستان کے خلاف پرتھ ٹیسٹ کے دوران فلسطینیوں سے اظہار یکجہتی پر آئی سی سی نے آسٹریلوی کرکٹر عثمان خواجہ کیخلاف ایکشن لیتے ہوئے انہیں ضوابط کی خلاف ورزی پر چارج کر دیا۔

آسٹریلوی کرکٹر عثمان خواجہ نے پاکستان کیخلاف پرتھ ٹیسٹ میں فلسطینوں سے اظہار یکجہتی کیلئے بازوں پر سیاہ پٹی باندھی تھی۔

اس سے قبل پریکٹس سیشن کے دوران بھی انہوں نے ایسے جوتے پہنے تھے جس پر فلسطینیوں سے اظہار یکجہتی کے لیے مختلف نعرے درج تھے اور وہ یہ جوتے پاکستان کے خلاف میچ میں بھی پہننا چاہتے تھے۔

تاہم میچ میں عثمان خواجہ کو جوتے پہننے سے روک دیا گیا تھا جس کے بعد وہ پاکستان کے خلاف میچ میں اسرائیل کی جانب سے فلسطینیوں کے قتلِ عام کے خلاف میدان میں بازو پر سیاہ پٹی باندھ کر اترے تھے۔

یہ بھی پڑھیں

آئی سی سی کے ترجمان کے مطابق عثمان خواجہ نے پرتھ ٹیسٹ میں بازوں پر سیا پٹی باندھ کر آئی سی سی کے کلوتھنگ اینڈ ایکیوپمنٹ کے قانون کی خلاف ورزی کی۔

آئی سی سی کا کہنا ہے کہ قواعد کے مطابق کھلاڑی ذاتی طور پر پیغام رسائی کے لیے پیشگی اجازت کے پابند ہیں، عثمان خواجہ نے سیاہ پٹی باندھنے کے لیے کوئی پیشگی اجازت نہیں حاصل کی تھی ، جس پر انہیں چارج کر دیا گیا ہے۔

آئی سی سی کی جانب سے اس بات کی وضاحت نہیں کی گئی کہ عثمان خواجہ کو اس کی کیا سزا دی گئی۔

قوانین کے مطابق ضابطہ اخلاق کی اس خلاف ورزی پر عثمان خواجہ کو فی الحال صرف تنبیہ کا سامنا کرنا پڑ سکتا ہے۔