22 دسمبر ، 2023 
پاکستان
انتخابات میں کسی بھی جماعت کو اکثریت نہیں ملے گی، وفاق میں پیپلز پارٹی کی حکومت بن سکتی ہے: رہنما پیپلز پارٹی۔ فوٹو فائل
جس طرح بانی پی ٹی آئی کو لایا گیا اسی طرح نواز شریف کو لانے کی تیاری کی جا رہی ہے: منظور وسان
22 دسمبر ، 2023
پاکستان پیپلز پارٹی کے رہنما منظور وسان کا کہنا ہے جس طرح بانی پی ٹی آئی عمران خان کو لایا گیا تھا اسی طرح نواز شریف کو لانے کی تیاری کی جا رہی ہے۔
منظور وسان نے کہا کہ انتخابات میں کسی بھی جماعت کو اکثریت نہیں ملے گی لیکن ساتھ ہی وفاق میں پیپلز پارٹی کی حکومت بننے کے امکانات سے سجا خواب بھی دیکھ لیا اور کہا کہ وفاق میں پیپلز پارٹی کی حکومت بن سکتی ہے۔
رہنما پیپلز پارٹی نے کہا کہ پی ٹی آئی سمیت ہر جماعت کو لیول پلیئنگ فیلڈ ملنی چاہیے۔
خیال رہے کہ الیکشن کمیشن نے پاکستان میں 8 فروری 2024 کو عام انتخابات کا اعلان کر رکھا ہے اور اس حوالے سے الیکشن شیڈول بھی جاری ہو چکا ہے۔
