'میکسویل شرمندہ اور افسردہ ہیں'، نشے کے باعث اسپتال داخلے پر کرکٹر کے منیجر کا بیان

آسٹریلیا کے جارح مزاج مڈل آرڈر بیٹر گلین میکسویل کو رات دیر گئے پارٹی میں ضرورت سے زیادہ شراب پینے کے باعث اسپتال میں داخل کرانا پڑا جس کے بعد اب ان کے منیجر کا بیان سامنے آیا ہے۔

کرکٹر کے منیجر کا کہنا ہے کہ گلین میکسویل ہفتے کو پیش آنے والے واقعہ پر شرمندہ ہیں، وہ  افسردہ اور معذرت خواہ ہیں۔

منیجر کے مطابق گلین میکسویل میلبرن واپس آکر ٹریننگ شروع کر چکے ہیں، وہ کرکٹ آسٹریلیا کے زیر تفتیش نہیں ہیں۔

آسٹریلوی کرکٹر میکسویل زیادہ شراب پینے کے سبب اسپتال پہنچ گئے

میکسویل کو ایڈیلیڈ میں رات دیر گئے پارٹی میں شرکت کے بعد ایمبولینس میں اسپتال منتقل کرنا پڑا

گلین میکسویل ایڈیلیڈ میں جمعہ کی رات کو زیادہ نشے کی وجہ سے اسپتال داخل ہوئے، میکسویل نے چیف سلیکٹر جارج بیلی اور کوچ اینڈریو میکڈانلڈ کو صورتحال کے بارے میں بتایا تھا۔

آسٹریلوی کرکٹر کو ویسٹ انڈیز کے خلاف ٹی ٹوئنٹی سیرییز سے قبل ون ڈے سیریز میں آرام دیا گیا تھا۔

میڈیا رپورٹس کے مطابق کپتان پیٹ کمنز نے  پیش آنے والے واقعات پر گلین میکسویل کے رویے کا جائزہ لینے کا مطالبہ کیا ہے، کرکٹ آسٹریلیا کے میڈیکل اسٹاف نے گلین میکسویل سے کنکشن کے حوالے سے رابطہ کیا ہے۔