اللہ نے مجھے بہت دیا، عوام کی خدمت کیلئے اسمبلی میں جاتا ہوں: جہانگیر ترین

لودھراں: چیئرمین استحکام پاکستان پارٹی جہانگیر ترین  کا کہنا ہے کہ مجھے نواز شریف کی برابری کرنے کیلئے نااہل کرکے ظلم کیا گیا۔

لودھراں میں کارنر میٹنگ سے خطاب میں آئی پی پی کے سربراہ جہانگیر ترین نے کہا کہ اللہ کا شکر ہے اہل ہو کر لودھراں کی خدمت کرنے کیلئے واپس آگیا ہوں، انشاء اللہ شبانہ روز محنت کرکے معاشی چیلنجزپر قابو پائیں گے، آگے بڑھنےکا تہیہ کرلیا ہے، انشاء اللہ ملک ترقی کریگا۔

انہوں نے کہا کہ 8 فروری کو سب گھروں سے نکل کر عقاب کو ووٹ ڈالیں، اللہ نے مجھے بہت دیا ہے، عوام کی خدمت کیلئے اسمبلی میں جاتا ہوں، کامیاب ہو کر ترقی یافتہ لودھراں بنانے کیلئے تمام وسائل بروئے کار لاؤں گا۔

جہانگیر ترین کا کہنا تھا کہ عوام میری طاقت ہیں، آپ کیلئے ایسے لڑوں گا کہ آپ یاد رکھو گے، ملتان سے بھی الیکشن لڑ رہا ہوں مگر لودھراں کو کبھی نہیں چھوڑوں گا۔

ان لوگوں کو 100 سال حکمرانی ملے پھر بھی پاکستان ترقی نہیں کرسکتا: سراج الحق

(ن) لیگ اور پیپلزپارٹی نے اس ملک کو تباہ کیا، قوم نے فیصلہ دینا ہے کہ کیا پاکستان کلین ہونا چاہیے؟ امیر جماعت اسلامی

بہترین سکیورٹی انتظامات ہیں، یقین دلاتے ہیں الیکشن پرامن ہوں گے: وزیر اطلاعات

ملک بھر میں 12 کروڑ سے زائد شہری ووٹ دے سکیں گے، مختلف ممالک سے 92 عالمی مبصرین انتخابات کور کریں گے: مرتضیٰ سولنگی