03 فروری ، 2024 
پاکستان
(ن) لیگ اور پیپلزپارٹی نے اس ملک کو تباہ کیا، قوم نے فیصلہ دینا ہے کہ کیا پاکستان کلین ہونا چاہیے؟ امیر جماعت اسلامی/ فائل فوٹو
ان لوگوں کو 100 سال حکمرانی ملے پھر بھی پاکستان ترقی نہیں کرسکتا: سراج الحق
03 فروری ، 2024
گوجرانوالہ: امیر جماعت اسلامی سراج الحق کا کہنا ہے کہ آج یہ پھر نعرہ لگا رہے ہیں کہ پاکستان کو نواز دو ، اگر ان لوگوں کو 100 سال بھی حکمرانی ملے پھر بھی پاکستان ترقی نہیں کرسکتا۔
گوجرانوالا میں جلسے سے خطاب کرتے ہوئے امیر جماعت اسلامی سراج الحق نے کہا کہ (ن) لیگ اور پیپلزپارٹی نے اس ملک کو تباہ کیا، قوم نے فیصلہ دینا ہے کہ کیا پاکستان کلین ہونا چاہیے؟
انہوں نے کہا کہ ملک سے انگریز کا نظام نکالنا اور قرآن کا نظام چاہتے ہیں، ہر نوجوان کو روزگار ملے گا، ملک کی معیشت بہتر ہوگی اور ہم کشمیر کو ہر صورت میں آزاد کروائیں گے۔
سراج الحق کا کہنا تھا کہ جماعت اسلامی اقتدار میں آکر ڈاکٹر عافیہ کو واپس لائے گی، فلسطینی ہمارے انتظار میں ہیں۔
