07 فروری ، 2024 
پاکستان
فوٹو: فائل
پولیس الیکشن ڈیوٹی میں مصروف، کراچی کی متعدد شاہراہوں پر ٹریفک جام ہوگیا
07 فروری ، 2024
کراچی کی متعدد شاہراہوں پر ٹریفک جام ہونے سے شہریوں کو پریشانی کا سامنا ہے۔
ذرائع کے مطابق آئی آئی چندریگر روڈ، آئی سی آئی، گلبائی ، شیرشاہ پراچہ چوک پر شدید ٹریفک جام ہوگیا۔اس کے علاوہ شیرشاہ سے غنی چورنگی جانے والی سڑک پر بھی ٹریفک کی روانی معطل ہوگئی۔
ٹریفک پولیس کا کہنا ہے کہ ہیوی ٹریفک کی وجہ سے ٹریفک کی روانی متاثر ہوئی ہے، ہمارے پاس ہیوی ٹریفک کی پیشگی اطلاعات نہیں تھی۔
ٹریفک پولیس کے مطابق الیکشن کی وجہ سے نفری کی کمی کا سامنا ہے، کوشش کر رہے ہیں ٹریفک بحال کریں۔
واضح رہے کہ ملک میں عام انتخابات کیلئے ووٹنگ کل 8 فروری بروز جمعرات کو صبح 8 بجے شروع ہوگی۔
