بلوچستان میں حکومت پی پی بنائے گی، ن لیگ اتحادی ہوگی: ندیم افضل چن کا دعویٰ

پاکستان پیپلز پارٹی کے رہنما ندیم افضل چن نے  دعویٰ کیا ہے کہ بلوچستان میں حکومت پی پی بنائے گی اور مسلم لیگ ن اُن کی اتحادی ہوگی۔

جیو نیوز کے پروگرا م کیپٹل ٹاک میں گفتگو کرتے ہوئے ندیم افضل چن کا کہنا تھا کہ پی ڈی ایم کا تجربہ اچھا نہیں رہا، الیکشن میں ہمارا بیانیہ ن لیگ کے خلاف تھا، ن لیگ کے ساتھ کئی معاملات پرنظریاتی اختلافات بھی ہیں، پیپلزپارٹی کا فیصلہ ہے کہ وہ وفاقی کابینہ کا حصہ نہیں بنے گی۔

 انہوں نے کہا کہ ن لیگ والے کہتے رہے ہیں کہ اتحادی بلیک میل کرتے ہیں اب ان کو فری ہینڈ ہے اپنی کابینہ بنائیں۔

کوئی ملاقات کی تو آئین و جمہوریت کی بات کی: بلاول اسٹیبلشمنٹ سے سودے بازی کے الزام پر برس پڑے

آپ کے پاس کیا ثبوت ہے کہ میں نے اسٹیبلشمنٹ سے سودے بازی کی تھی؟ بغیر ثبوت کے الزام نہ لگایا جائے: پی پی چیئرمین کا صحافی کے سوال پر اظہار برہمی

ندیم افضل چن نے کہا کہ صدر پاکستان کا عہدہ مسلم لیگ ن کی ڈیمانڈ پر لے رہے ہیں، بلوچستان میں حکومت پی پی بنائے گی اور مسلم لیگ ن اُن کی اتحادی ہوگی۔

پروگرام میں گفتگو کرتے ہوئے رہنما مسلم لیگ ن مصدق ملک نے ندیم افضل چن کے دعوے کی تصدیق کی۔