غزہ: اسرائیلی فورسز کے ہاتھوں مزید 85 فلسطینی شہید، اموات کی تعداد 31 ہزار سے متجاوز

غزہ میں جاری اسرائیلی جارحیت کے نتیجے میں گزشتہ 24 گھنٹوں کے دوران مزید 85 فلسطینی شہید جبکہ 130 زخمی ہوگئے۔

فلسطینی وزارت صحت کی جانب سے جاری کردہ اعداد و شمار کے مطابق 7 اکتوبر 2023 سے جاری اسرائیلی جارحیت کے نتیجے میں غزہ میں اب تک 31 ہزار 45 فلسطینی شہید جبکہ 72 ہزار 654 زخمی ہو چکے ہیں۔

وزارت صحت کے مطابق اسرائیلی جارحیت کا نشانہ بننے والوں میں 72 فیصد خواتین اور بچے شامل ہیں۔ 

گزشتہ دنوں اقوام متحدہ کے ادارے انروا نے کہا تھا کہ مقبوضہ فلسطین کے محصور علاقے غزہ میں جاری اسرائیلی جارحیت میں روزانہ اوسطاً 63 خواتین شہید ہوتی ہیں۔

انروا کے مطابق روزانہ جاں بحق ہونے والی خواتین میں 37 مائیں شامل ہوتی ہیں جو اپنے پیچھے اپنے بچے اور خاندان چھوڑ جاتی ہیں۔

غزہ میں فضا سے گرائی جانے والی امداد بھی فلسطینیوں کی جان لینے لگی، 5 شہید

گزشتہ دنوں غزہ میں امداد کے منتظر افراد پر اسرائیلی فوج کی جانب سے ایک سے زائد حملے ہوئے جن کے نتیجے میں متعدد افراد ہلاک و زخمی ہوئے

غزہ میں غذائی قلت سے جاں بحق بچوں کی تعداد 23 ہوگئی

اسرائیلی حملوں کے باعث غزہ میں کل سے اب تک مزید 82 فلسطینی شہید اور 122 زخمی ہوگئے، فلسطینی وزارت صحت