26 مارچ ، 2024 
کراچی: پولیس مقابلےکے دوران ڈاکوؤں کی مبینہ فائرنگ سے خاتون جاں بحق
26 مارچ ، 2024
کراچی کے علاقے اورنگی ٹاؤن میں قطر اسپتال کے قریب پولیس مقابلے کے دوران مبینہ طور پر ڈاکوؤں کی فائرنگ سے خاتون جاں بحق ہوگئی۔
پولیس کا کہنا ہےکہ مقتولہ کی شناخت نازیہ انجم کے نام سے ہوئی ہے، خاتون اپنے شوہر کی ساتھ قطر اسپتال کی پارکنگ میں موجود تھی کہ قریب موجود دکان کے باہر 2 نوجوانوں کو موٹرسائیکل سوار ڈاکوؤں نے لوٹنے کی کوشش کی۔
ایسے میں قریب موجود موٹرسائیکل پر موجود پولیس اہلکاروں نے فوری ایکشن کیا، ڈاکوؤں نے موقع سے فرار ہوتے ہوئے فائرنگ کی جو خاتون کو لگی۔
پولیس نے واقعے سے متعلق تفتیش شروع کردی ہے، جن افراد سے لوٹ مار کی جارہی تھی ان کا بیان بھی سامنے آیا ہے۔
عینی شاہد نیبل کا کہنا ہےکہ دکان پر کھڑے تھےکہ 2 بندے آئے، موبائل چھینا تو پولیس آگئی اور دونوں بھاگنے لگے تو پولیس بھی پیچھےگئی، ملزمان نے فائرنگ کی تو پولیس نے بھی جوابی فائرنگ کی، خاتون شوہر کے ساتھ یہاں کھڑی تھی، ملزمان کی فائرنگ سے خاتون کو گولی لگ گئی۔
پولیس کا کہنا ہےکہ جائے وقوعہ کی سی سی ٹی وی فوٹیجز حاصل کی جارہی ہیں۔
مزید خبریں :
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
