26 مارچ ، 2024 
کابینہ نے پی آئی اے ہولڈنگ کمپنی کے بورڈ کی منظوری دے دی
26 مارچ ، 2024
وفاقی کابینہ نے پاکستان انٹرنیشنل ائیرلائنز (پی آئی اے) ہولڈنگ کمپنی کے 11 رکنی بورڈ کی منظوری دے دی ہے۔
بورڈ کی منظوری سے پی آئی اے کی نجکاری کا دوسرا اہم ترین مرحلہ عبور کرلیا گیا ہے۔
ذرائع کے مطابق وزیراعظم سےخصوصی اجازت حاصل کرکے کابینہ سے سرکولیشن کے ذریعے منظوری لی گئی۔
ذرائع کا بتانا ہے کہ سابق گورنر اسٹیٹ بینک طارق باجوہ کو بورڈ کا چیئرمین تعینات کرنے کی منظوری دی گئی ہے جب کہ 11 رکنی بورڈ میں 7 خودمختار ڈائریکٹرز اور 4 سرکاری افسران شامل کرنےکی بھی منظوری دی گئی ہے۔
پی آئی اے کے واجبات اور اثاثے بھی ہولڈنگ کمپنی میں منتقل کیے جائیں گے۔
واضح رہےکہ گزشتہ روز ہونے والے پی آئی اے کے بورڈ آف ڈائریکٹرز کے اجلاس میں پی آئی اےکی تنظیم نو اور نجکاری کے لیے اسکیم آف ارینجمنٹ کی منظوری دی گئی تھی۔
مزید خبریں :
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
روف سولر پینل ٹیرف میں کمی پر غور
21 نومبر ، 2024
