خیبر: ایف سی اور کسٹم نے کروڑوں کی منشیات پکڑلی، 8 ملزمان گرفتار

خیبر: ایف سی اور کسٹم انٹیلی جنس نے کارروائی کرکے کروڑوں روپے مالیت کی منشیات برآمد کرکے 8 ملزمان کو گرفتار کر لیا۔

کسٹم ذرائع کےمطابق ایف سی اور کسٹم انٹیلی جنس نے راج گل میں ناکہ بندی کے دوران کارروائی کی جس دوران ملزمان کے قبضے سے ساڑھے 6 کلوگرام آئس اور 130 کلوگرام چرس برآمد کی گئی۔

وادی تیراہ: کسٹم اور ایف سی کی مشترکہ کارروائیاں،کروڑوں روپےکی منشیات پکڑی گئی

گرفتار ملزمان بین الاقوامی منشیات اسمگلنگ نیٹ ورک سے ہیں اور منشیات سے حاصل ہونے والی آمدنی کا زیادہ حصہ دہشت گردی کے لیے استعمال ہوتا ہے

ذرائع نے بتایا کہ کارروائی کے دوران 8 ملزمان کو گرفتار کیا گیا ہے، ملزمان مزدوروں کا روپ دھار کر منشیات اسمگل کررہے تھے۔

ذرائع کے مطابق منشیات کی قیمت عالمی مارکیٹ میں 195 ملین روپے ہے جب کہ مزید تفتیش کے لیے منشیات کو ملزمان سمیت کسٹم ہاؤس پشاور منتقل کردیا گیا ہے۔