جوہانسبرگ … جوہانسبرگ ٹیسٹ کے پہلے دن کا کھیل ختم ہونے تک پاکستان نے بغیر کسی نقصان کے 6 رنز بنائے جبکہ میزبان جنوبی افریقا 253 رنز بنا کر آوٴٹ ہوگیا۔ جوہانسبرگ کے وانڈررز اسٹیڈیم میں جنوبی افریقا نے ٹاس جیت کر بیٹنگ کا فیصلہ کیا۔ اوپنرز اسمتھ اور پیٹرسن نے پہلی وکٹ کیلئے 46 رنز بنائے، پھر وکٹیں گرنے کا سلسلہ شروع ہوا، ہاشم آملہ اور یاک کیلس نے ساوٴتھ افریقا کی بیٹنگ لائن کو سہارا دیا اور اسکور 125 تک پہنچایا۔ کیلس 50 اور آملہ 37 رنز بناکر آوٴٹ ہو گئے، 135 پر 4 وکٹ گرنے کے بعد ڈی ویلیئرز اور ڈو پلیسس نے کمانڈ سنبھالی۔ پلیسس 41 اور ڈی ویلیئرز 31 رنز بناکر آوٴٹ ہوئے۔ ان کے بعد تو جنوبی افریقا کا کوئی بھی بیٹسمین وکٹ پر نہ ٹھہر سکا اور پوری ٹیم 253 رنز بناکر آوٴٹ ہوگئی۔ محمد حفیظ نے صرف 16 رنز کے بدلے 4 وکٹیں حاصل کیں، عمر گل اور جنید خان نے 2 ،2 جبکہ یونس خان نے ایک کھلاڑی کو آوٴٹ کیا۔ پہلے دن کا کھیل ختم ہونے تک پاکستان نے بغیر کسی نقصان کے 6 رنز بنالئے تھے۔ محمد حفیظ 6 اور ناصر جمشید بغیر کوئی رن بنائے کریز پر موجود ہیں۔