17 مئی ، 2024 
کراچی: غیر ملکی خفیہ ایجنسیوں کی طرز پر وارداتیں کرنے والے گروہ کے دو کارندے گرفتار
17 مئی ، 2024
کراچی پولیس کے محکمہ انسداد دہشتگردی نے غیرملکی خفیہ ایجنسیوں کی طرز پر وارداتیں کرنے والے گروہ کا سراغ لگا کر گینگ کے دو کارندوں کو گرفتار کرلیا ہے۔
ڈی آئی جی سی ٹی ڈی نے بتایا کہ کالعدم تنظیم سے تعلق رکھنے والا یہ گروہ اسٹریٹ کرائم کی آڑ میں فرقہ وارانہ ٹارگٹ کلنگ میں ملوث ہے۔
انچارج سی ٹی ڈی راجہ عمر خطاب کا کہنا ہے کہ گروہ کا سراغ ستمبر 2023 سے 21 فروری 2024 تک ہونے والی قتل کی مختلف وارداتوں کی تحقیقات سے لگایا گیا، گرفتار ملزمان میں وقار عباس اور حسین اکبر شامل ہیں جو ناجائز اسلحہ کے الزام میں گرفتار ہو کر جیل جاچکے ہیں۔
سہولت کاری میں ملوث گرفتار ملزمان کا بتانا ہے کہ ٹارگٹ کلنگ کیلئے انکی تین ٹیمیں کام کرتی ہیں جبکہ ان کا سرغنہ سید حسین موسوی عرف مسلم بیرون ملک مقیم ہے۔
ملزمان کے مطابق ٹارگٹ کلنگ کی ٹیم ظفر گلگتی، انعام گلگتی، عقیل گلگتی اور محمد علی گلگتی چلا رہے ہیں۔
مزید خبریں :
کراچی میں ڈاکوؤں نے ایک اور چراغ گُل کر دیا
9 گھنٹے پہلے
کراچی میں فائرنگ سے صحافی ندیم احمد زخمی
19 نومبر ، 2024
عارف والا میں بھائی نے غیرت کے نام پربہن کو قتل کردیا
19 نومبر ، 2024
