31 مئی ، 2024 
جرائم
مقتول جوڑے نے3 سال قبل کورٹ میرج کی تھی، مقتولہ کا باپ اور بھائی کورٹ میرج سے نا خوش تھے: پولیس/ فائل فوٹو
پشاور: باپ اور بھائی نے پسند کی شادی پر بیٹی داماد کو قتل کردیا
31 مئی ، 2024
پشاور میں پسند کی شادی کرنے والے جوڑے کو فائرنگ کرکے قتل کردیا گیا۔
پولیس کے مطابق فائرنگ کا واقعہ تھانہ متھرا کی حدود پناہ ڈھیری کے علاقے میں پیش آیا جہاں فائرنگ کرکے خاتون اور اس کے شوہر کو قتل کیا گیا۔
پولیس کا کہنا ہے کہ مقتول جوڑے نے3 سال قبل کورٹ میرج کی تھی، مقتولہ کا باپ اور بھائی کورٹ میرج سے نا خوش تھے جس پر انہوں نے فائرنگ کرکے میاں بیوی کو قتل کردیا۔
پولیس کے مطابق باپ اور بیٹا ارتکاب جرم کے بعد فرار ہوگئے ہیں، واقعے کا مقدمہ درج کرکے ملزمان کی تلاش شروع کردی گئی ہے۔
دوسری جانب خواتین کے فلاح و بہبود کیلئے کام کرنے والی ایک نجی فلاحی ادارے کے اعداد و شمار کے مطابق اس سال خواتین پر تشدد اور قتل کے 130 سے زائد واقعات سامنے پیش آئے۔
مزید خبریں :
مردان میں فائرنگ سے میاں، بیوی اور بیٹا قتل
9 گھنٹے پہلے
