10 جون ، 2024 
فیفا ورلڈکپ کوالیفائرز میچ کھیلنے کیلئے قومی فٹبال ٹیم تاجکستان روانہ نہ ہو سکی
10 جون ، 2024
فیفا ورلڈ کپ کوالیفائرز راؤنڈ 2 کا میچ کھیلنے کیلئے پاکستان فٹبال ٹیم تاجکستان روانہ نہ ہو سکی۔
قومی ٹیم نے پرائیویٹ ائیر لائنز کی چارٹرڈ پرواز سے دوشنبے روانہ ہونا تھا لیکن چارٹرڈ فلائٹ کو تیکنیکی خرابی کی وجہ سے روک دیا گیا۔
پاکستان اور تاجکستان کے درمیان میچ کل دوشنبے میں شیڈولڈ ہے۔ پاکستان ٹیم فیفاورلڈ کپ 2026 کوالیفائرز راؤنڈ کا یہ آخری میچ کھیلے گی۔
چیئرمین نارملائزیشن کمیٹی ہارون ملک کا کہنا تھاکہ قومی ٹیم کا اب تک دوشنبے روانہ نہ ہونا انتہائی تکلیف دہ ہے، تمام ممکنہ وسائل بروئے کار لارہے ہیں۔
انہوں نے کہا کہ تاجکستان فٹبال اور فیفا اتھارٹیز کو صورتحال سے مکمل آگاہ کیا جا رہا ہے، حکومتی سطح پر بھی رابطے میں ہیں اور وزیراعظم آفس مسئلے کے حل کلئے سنجیدہ کوششیں کر رہا ہے۔
