پاک بھارت میچ کی میزبانی کرنیوالا نیویارک کا نساؤ کاؤنٹی کرکٹ اسٹیڈیم گرانےکا فیصلہ

آئی سی سی مینز ٹی ٹوئنٹی ورلڈکپ کے لیے خصوصی طور پر بنائے گئے نیویارک کے نساؤ کاؤنٹی کرکٹ اسٹیڈیم کو گرانےکا فیصلہ کیا گیا ہے۔

نیویارک اسٹیڈیم کو عارضی طور پر ورلڈکپ کے میچز کے لیے بنایا  گیا تھا۔اسٹیڈیم کو 6 ہفتوں میں گرادیا جائےگا۔

نیویارک کے نساؤ کاؤنٹی اسٹیڈیم نے پاک بھارت میچ سمیت ٹی ٹوئنٹی ورلڈ کپ کے 8 میچز کی میزبانی کی۔

گزشتہ روز بھارت اور امریکا کے درمیان میچ نساؤکاؤنٹی پر کھیلا جانے والا  آخری میچ تھا۔

واضح رہے کہ گزشتہ سال نومبر میں نیو یارک میں نیا اسٹیڈیم بنانے اور ورلڈ کپ کے 8 میچوں کی میزبانی کے لیے نساؤ کاؤنٹی کے ساتھ ایک معاہدے کو حتمی شکل دی گئی۔

جنوری میں اس اسٹیڈیم کی تعمیر شروع ہوئی۔ اپریل میں 34 ہزار تماشائیوں کی گنجائش والے گراؤنڈ میں آسٹریلیا سے ڈراپ ان پچ منگوائی گئی اور مئی تک اس اسٹیڈیم کا کام مکمل کیا گیا۔

ٹی ٹوئنٹی ورلڈکپ کے شروع ہونے کے بعد نیویارک کے اس گراؤنڈ کی پچز پر کافی تنقید کی گئی، یہی وجہ ہے کہ یہاں لو اسکورنگ میچز ہوئے۔

ٹی ٹوئنٹی ورلڈکپ اور پاک بھارت ٹاکرا، امریکا کو میزبانی دینے کا مقصد کیا ہے؟

پاکستان اور بھارت کے درمیان مقابلہ اتوار کو نیویارک میں کھیلا جائے گا اور امکان ظاہر کیا جارہا ہے کہ اس میچ کو پوری دنیا میں 40 کروڑ سے زائد کرکٹ فینز دیکھیں گے۔

نیویارک ورلڈ کپ کی میزبانی کیلئے تیار، اسپورٹس اسٹارز اسٹیڈیم کی جھلک دیکھنے پہنچ گئے

نیویارک کے نساؤ اسٹیڈیم آمد کے موقع پر اسپورٹس اسٹارز نے ایک بڑے کرکٹ بیٹ پر دستخط کیے اور اسٹیڈیم کی بہترین پوزیشن پر بیٹھ کر گراونڈ کا نظارہ کیا