22 اور 23 جون کو کراچی کے مضافات میں بارش کا امکان

کراچی: 22 یا 23 جون کو شہر کے مضافات میں بادلوں کے برسنے کا امکان ہے۔

چیف میٹرولوجسٹ سردار سرفراز نے بتایا کہ کل یا پرسو سپرہائی وے اور اطراف میں بارش ہوسکتی ہے۔

سردار سرفراز نے رواں سال کراچی سمیت سندھ میں معمول سے زائد بارشوں کی پیشگوئی کی ہے۔

چیف میٹرولوجسٹ کا کہنا تھا کہ پنجاب اور کشمیر میں مون سون کا آغاز 29 یا 30 جون سے ہو سکتا ہے جب کہ سندھ میں 5 یا 6 جولائی کے بعد مون سون کے آغاز کا امکان ہے۔

آج کراچی کا موسم کیسا رہے گا؟

پنجاب کے بعد سندھ کے مختلف شہروں میں بارش

سکھر، لاڑکانہ اور میھڑ میں شدید بارش سے نشیبی علاقوں میں پانی گھروں میں داخل ہوگیا جبکہ سیپکو کے 70 سے زائد فیڈر ٹرپ ہوگئے

دوسری جانب آئندہ 24 گھنٹوں کے دوران شہر کا موسم گرم اور مرطوب رہنے کا امکان ہے۔

محکمہ موسمیات کے مطابق شہر میں سمندری ہوائیں بند اور مطلع آج جزوی ابر آلود ہے جب کہ شہر کے چند مقامات پر بوندا باندی کا امکان ہے۔

محکمہ موسمیات کے مطابق شہر کا زیادہ سے زیادہ درجہ حرارت 35 سے 37 ڈگری سینٹی گریڈ کے درمیان رہنے کا امکان ہے اور ہوا میں نمی کا تناسب 49 فیصد ہے۔