ٹی 20 ورلڈکپ میں جنوبی افریقا نے منفرد ریکارڈ اپنے نام کرلیا

آئی سی سی مینز ٹی ٹوئنٹی ورلڈکپ میں ویسٹ انڈیز کو شکست دیکر سیمی فائنل میں پہنچنے والی جنوبی افریقی ٹیم نے منفرد ریکارڈ اپنے نام کرلیا۔

پیر کو ٹی ٹوئنٹی ورلڈکپ میں سپر 8 مرحلے کے اہم میچ میں جنوبی افریقا ویسٹ انڈیز کو ڈک ورتھ لوئس میتھڈ کے تحت شکست دے کر سیمی فائنل میں پہنچنے میں کامیاب ہوگیا۔

جنوبی افریقا 10 سالوں میں پہلی بار ٹی ٹوئنٹی ورلڈکپ کے سیمی فائنل میں پہنچی ہے۔

ویسٹ انڈیز کیخلاف جیت جنوبی افریقا کی ورلڈکپ 2024 میں مسلسل ساتویں فتح ہے جس کے بعد پروٹیز ٹی ٹوئنٹی ورلڈکپ کے ایک سیزن میں سب سے زیادہ میچز جیتنے والی ٹیم بن گئی ہے۔

T20 ورلڈ کپ کے ایک سیزن میں سب سے زیادہ میچزجیتنے والی ٹیمیں:

• جنوبی افریقا 7 میچز ( 2024)
• سری لنکا 6 میچز( 2009)
• آسٹریلیا 6 میچز( 2010)
• آسٹریلیا 6 میچز( 2021) 

واضح رہے کہ جنوبی افریقا رواں ٹی ٹوئنٹی ورلڈکپ کے سیمی فائنل میں پہنچنے والی دوسری ٹیم ہے۔

اس سے قبل دفاعی چیمپئن انگلینڈ نے امریکا کو شکست دے کر سیمی فائنل کے لیے کوالیفائی کیا تھا۔

انگلینڈ کی ٹیم ٹی ٹوئنٹی ورلڈ کپ 2024 کے سیمی فائنل میں پہنچنے والی پہلی ٹیم بن گئی

کرس جارڈن نے کورے اینڈرسن ، علی خان اور نوستوش اور سرابھ کو آؤٹ کرکے ایک اوور میں مجموعی طور پر 4 وکٹیں حاصل کیں۔

ٹی ٹوئنٹی ورلڈکپ: ویسٹ انڈیز کو شکست دیکر جنوبی افریقا سیمی فائنل میں پہنچنے والی دوسری ٹیم بن گئی

میچ بارش کے باعث روکا گیا جس کے بعد جنوبی افریقا کا ہدف 136 سے 123 ہوگیا جو کے 17 اوورز میں مکمل کرنا تھا۔