حماس نےگائیڈڈ میزائل سے اسرائیلی بکتربند گاڑی تباہ کرنے کی ویڈیو جاری کردی

فلسطینی مزاحمتی تنظیم حماس نے غزہ کے جنوبی علاقے رفح میں اسرائیلی بکتربند گاڑی کو گائیڈڈ میزائل سے تباہ کرنے کی ویڈیو جاری کردی۔

حماس کے عسکری ونگ القسام بریگیڈز کے ٹیلیگرام چینل پر جاری کی جانے والی ویڈیو میں فلسطینی مزاحمت کاروں کو اسرائیلی بکتر بند پر حملہ کرتے ہوئے دیکھا جاسکتا ہے جس کے بعد بکتر بند گاڑی میں آگ بھی لگ جاتی ہے۔

حماس کے مطابق رفح کے علاقے تل زعرب میں اسرائیلی فوج کی انجینیئرنگ کور کی بکتر بند گاڑی کو ریڈ ایرو میزائل سے نشانہ بنا گیا جس کے بعد مدد کے لیے آنے والے فوجی دستوں پر راکٹ داغے گئے۔

القسام بریگیڈز کے جانب سے گزشتہ روز اس حملے کی خبر دی گئی تھی جس کی ویڈیو آج جاری کی گئی ہے۔

خیال رہے کہ یہ ویڈیو ایسے وقت میں جاری کی گئی ہے کہ جب  اسرائیلی وزیراعظم بن یامین نیتن یاہو نے دعویٰ کیا ہے کہ حماس کے ساتھ جنگ اختتام کے قریب ہے اور اسرائیلی فوج کے سربراہ نے دعویٰ کیا ہے کہ اسرائیلی فوج رفح میں حماس کی رفح بریگیڈ کو ختم کرنے کے قریب ہے۔

’حماس کیساتھ جنگ اختتام کے قریب‘، نیتن یاہو نے جنگ کو لبنان منتقل کرنیکا اشارہ دیدیا

مغویوں کی رہائی کےلیے حماس کے ساتھ جزوی ڈیل پر تیار نیتن یاہو کا کہنا ہے کہ سیزفائر کے باوجود حماس کے خاتمے کا مشن جاری رکھیں گے

اسرائیل میں لاکھوں افراد کا ملک گیر مظاہرہ، وزیراعظم سے مستعفی ہونے کا مطالبہ

اسرائیل میں اس قسم کے احتجاجی مظاہرے معمول بن چکے ہیں جوکہ عوام اور حکومت کے درمیان خلیج کو ظاہر کرتے ہیں۔