ڈھائی ارب روپے کی لاگت سے تعمیر نیویارک کرکٹ اسٹیڈیم کو گرانے کا عمل شروع

آئی سی سی مینز ٹی ٹوئنٹی ورلڈکپ کے لیے خصوصی طور پر بنائے گئے نیویارک کے نساؤ کاؤنٹی کرکٹ اسٹیڈیم کو گرانے کا آغاز ہوگیا۔

نیویارک اسٹیڈیم کو عارضی طور پر ورلڈکپ کے میچز کے لیے بنایا گیا تھا۔ نساؤ کاؤنٹی اسٹیڈیم نے پاک بھارت میچ سمیت ٹی ٹوئنٹی ورلڈ کپ کے 8 میچز کی میزبانی کی۔

تاہم ورلڈکپ میچز کے بعد اب  نیویارک کے نساؤ کاؤنٹی کرکٹ اسٹیڈیم کو گرانے کا آغاز ہوگیا اور 6 ماہ میں تعمیر کیا گیا اسٹیڈیم اگست 2024 میں مکمل طور پر ختم ہو جائے گا۔

نیویارک ورلڈ کپ کی میزبانی کیلئے تیار، اسپورٹس اسٹارز اسٹیڈیم کی جھلک دیکھنے پہنچ گئے

نیویارک کے نساؤ اسٹیڈیم آمد کے موقع پر اسپورٹس اسٹارز نے ایک بڑے کرکٹ بیٹ پر دستخط کیے اور اسٹیڈیم کی بہترین پوزیشن پر بیٹھ کر گراونڈ کا نظارہ کیا

البتہ اسٹیڈیم میں چار ڈراپ ان پچز کو ختم نہیں کیا جائے گا۔

یاد رہے کہ 9 جون 2024 کو اسٹیڈیم نےپاک بھارت میچ کی میزبانی کی تھی  جبکہ ورلڈکپ کے پہلے مرحلے میں بھارت اور امریکا کے درمیان میچ نساؤ کاؤنٹی پر کھیلا جانے والا آخری میچ تھا۔

250 کروڑ روپےکی لاگت سے اسٹیڈیم آئزن ہاور پارک نساؤ میں تعمیر کیا گیا تھا۔