کوئٹہ میں ایم پی اے کے بھتیجے کا ٹریفک پولیس اہلکار پر تشدد

کوئٹہ میں ایم پی اے لیاقت لہڑی کے بھتیجے نے ٹریفک پولیس اہلکار کو سر عام تشدد کا نشانہ بنا ڈالا۔

پولیس کے مطابق ایم پی اے لیاقت لہڑی کا بھتیجا دانش مشتعل ہو گیا اور ٹریفک پولیس اہلکار کو تشدد کا نشانہ بنا ڈالا۔

پولیس کا کہنا ہے کہ ٹریفک پولیس اہلکار پر تشدد کرنے والے ملزم دانش کو گرفتار کر لیا گیا اور اسے تفتیش کے لیے سریاب تھانے منتقل کر دیا گیا ہے۔

یاد رہے کہ 2017 میں بھی کوئٹہ میں ایم پی اے عبدالمجید اچکزئی کی گاڑی نے ایک ٹریفک پولیس کے سب انسپکٹر کو سفاکی سے کچل کر شہید کر دیا تھا۔

ایم پی اے کی گاڑی نے ٹریفک پولیس اہلکار کو سفاکی سے کچل ڈالا

بلوچستان کےرکن صوبائی اسمبلی مجیداچکزئی کی تیز رفتار گاڑی نے کوئٹہ میں ٹریفک پولیس...

اس کیس میں ابتدا میں پولیس نے نامعلوم افراد کے خلاف ایف آئی آر درج کی تھی تاہم میڈیا اور سوشل میڈیا پر چلنے والی خبروں کے بعد رکن صوبائی اسمبلی کو 24 جون کو گرفتار کر لیا گیا تھا۔

اس وقت کے چیف جسٹس ثاقب نثار نے معاملے کا نوٹس لیا اور ایم پی اے عبدالمجید کے خلاف انسداد دہشتگردی کی عدالت میں مقدمہ چلایا گیا تاہم عدالت نے 2020 میں عدم ثبوتوں کی بنا کر ایم پی اے کو کیس سے بری کردیا تھا۔