اسپیس ایکس نے مزید 23 اسٹار لنک سیٹلائٹس خلا میں بھیج دیں

فلوریڈا: امریکی ٹیکنالوجی فرم اسپیس ایکس نے  مزید 23 اسٹار لنک سیٹلائٹس زمین کے مدار میں بھیج دیں۔ 

ارب پتی کاروباری شخصیت ایلون مسک کی ٹیکنالوجی کمپنی اسپیس ایکس نے فلوریڈا کے کیپ کیناویرل اسپیس اسٹیشن سے فالکن 9 راکٹ کے ذریعے 23 اسٹار لنک سیٹلائٹس زمین کے مدار میں بھیجیں۔

اسپیس ایکس نے زمین کے مدار میں بھیجی گئیں 23 سیٹلائٹس کی مدار میں موجودگی کی تصدیق کرتے ہوئے بتایا کہ یہ عمل ایک گھنٹے میں ہی مکمل کر لیا گیا تھا۔  

کمپنی کی جانب سے زمین کے مدار میں بھیجی گئیں اسٹار لنک سیٹلائٹس (آپریشنل اور نان آپریشنل) کی تعداد اب 6000 تک پہنچ گئی ہے۔ 

یاد رہے  ایلون مسک کی ٹیکنالوجی کمپنی اسپیس ایکس کی جانب سے شروع کیے گئے اسٹار لنک منصوبے کا مقصد زمین کے دور دراز علاقوں میں تیز رفتار انٹرنیٹ کی سہولیات پہنچانا ہے۔ 

دو ناکامیوں کے بعد اسپیس ایکس نے تیسری مرتبہ اسٹارشپ راکٹ لانچ کر دیا

اسٹارشپ راکٹ 120 میٹر لمبا اور 50 لاکھ کلوگرام وزنی ہے، اسے خلانوردوں کو چاند اور اس سے آگے لے جانے کیلئے ڈیزائن کیا گیا ہے

اسپیس ایکس کا امریکا کیلئے سینکڑوں جاسوس سیٹلائٹس کا نیٹ ورک بنانے کا خفیہ معاہدہ

جاسوس سیٹلائٹس سے دنیا میں تقریباً کہیں بھی زمین پر ہونے والی سرگرمیوں کی مسلسل منظر کشی کی جاسکے گی: خبر ایجنسی